നൈറ്റ് ഷേഡിലേക്ക് ഒരു യാത്ര

മുഖവുര 

തികച്ചും യാദൃഛികമായി അലനും സെർബിയും എന്നെ വന്നു കണ്ടു , ഔദ്യോഗികമല്ലാത്ത ഞങ്ങളുടെ കൂടിക്കാഴ്ചകൾ തുലോം വിരളമായിരുന്നു .. എന്നിരുന്നാലും പഴയ ബ്രിട്ടീഷ് അധിനിവേശത്തിനു  മറുപടിയെന്നോണം ഞാൻ അവരുടെ ബോസ് ആയി .. ഒരു ഇന്ത്യൻ വംശജൻ ആയിട്ടുകൂടി അവർ എന്നോട് വളരെ നന്നായി പെരുമാറിയിരുന്നു.  വെള്ളിയാഴ്ചകളിലെ കൂടിച്ചേരലുകളിൽ ബിയർ ലഹരി ഞങ്ങളിൽ അതിക്രമിച്ചു കഴിയുമ്പോൾ ഞാൻ എപ്പോളും നൈറ്റ്ഷേഡ് ലേക്കുള്ള  എന്റെ യാത്രാ  സ്വപ്നങ്ങളെ കുറിച്ച് പറയുമായിരുന്നു .....

മധ്യവയസ്കനായ സെർബി അന്തർമുഖനും  എടുത്തുചാട്ടക്കാരനും ആയ അവിവിവാഹിതൻ .ബാഗിൽ എപ്പോളും ഒരു കുപ്പി റം ഉണ്ടാക്കും എന്നല്ലാതെ .. പൊതുവെ നല്ല മനുഷ്യൻ ..  

അലൻ  വിവാഹിതനും കൂട്ടത്തിൽ കാമുകനും , ഭാര്യയായ സ്റ്റെല്ലയോടൊപ്പം  അലോവയെയും അവൻ നന്നായി പരിഗണിച്ചു പോയിരുന്നു . പലപ്പോഴും എനിക്കതിൽ അസൂയയുണ്ടായിട്ടുണ്ട്. 

എൻ്റെ  ചിന്തകളെ തടസ്സപ്പെടുത്തിക്കൊണ്ട്  സെർബി  പെട്ടന്ന്   "അടുത്ത നമ്മളുടെ ടാർഗറ്റ്  നൈറ്റ്ഷേഡ്ൽ ബിസിനെസ്സ് സാധ്യതയെ കുറിച്ചൊരു റിപ്പോർട്ട്സമർപ്പണം  ആണ്"  എന്ന് പറഞ്ഞു ...അറിയാതെ തന്നെ കസേരയിൽ നിന്നും ഞാൻ എഴുന്നേറ്റു പോയി .

ഗൃഹപാഠം 

സെർബി !!!! നീ  ഇതൊക്കെ അറിഞ്ഞിട്ടു തന്നെ ആണോ പറയുന്നത് , കഴിഞ്ഞ രണ്ടു റിപ്പോർട്ട് സമർപ്പണത്തിനു പോയവരുടെ അവസ്ഥയെ കുറിച്ച് നീ കേട്ടിട്ടുണ്ടോ?

ഞാൻ മദ്യലഹരിയിൽ പലതും പറഞ്ഞിട്ടുണ്ടാകാം പക്ഷെ ... അവരെ പിന്തിരിപ്പിക്കാൻ നോക്കി . ഒടുവിൽ അവരുടെ ആവേശത്തിനു മുന്നിൽസമ്മതിക്കേണ്ടിവന്നു.. കാരണം ഈ ഒരു റിപ്പോർട്ട് സമർപ്പണത്തോടുകൂടി ഞാൻ ബ്രിട്ടീഷ്  കമ്പനി യുടെ CTO  യായി മാറാൻ വരെ ഉള്ള സാധ്യതയുണ്ട് ... 

എന്നാലും രണ്ടുപെണ്ണ്ങ്ങളേയും കളഞ്ഞു ഈ അലൻ വരാനായി എന്താ കാര്യം , സെർബി ആണേൽ എങ്ങോട്ടെങ്കിലും അഡ്വെഞ്ചുർ വേണം  എന്ന് നടക്കുന്നവനാ ... സെർബി അതിനുള്ള മറുപടി  ഉടൻ തന്നു  നമ്മുടെ ടീമിൽ ഒരാളെക്കൂടി ട്രെയിനി ആയി എടുക്കാം സാധ്യതാ പട്ടികയിൽ ഒന്നാം സ്ഥാനത്തു നിക്കുന്നത് അലോവ ആണ് .. ഇനി വേറെ കാരണങ്ങൾ വേണ്ടല്ലോ ....

പുറത്തു നല്ല മഞ്ഞു വീഴ്ച . നല്ലൊരു സായാഹ്നം ഇനി വരാനുള്ള ദിനങ്ങളെ ഓർത്തു നശിപ്പിക്കണ്ട , ഒന്നുച്ചുറ്റിയടിച്ചിട്ട്  വരാം. ,  എരിയുന്ന സിഗരറ്റു കുറ്റിയുടെ  അഗ്രഭാഗം മാത്രമേ ആ സമയത്തു് വെള്ള കളർ ആയി ഇല്ലാത്തത് ഉണ്ടായിരുന്നുള്ളു . ഞങ്ങൾ നടന്നു സിൻഡ്രല്ല പബ്ബിൽ എത്തി ... എൻട്രി  ഫീ ആയി 50  പൗണ്ട് ആവശ്യപ്പെട്ടെങ്കിലും സെർബി സ്ഥിരം സന്ദര്ശകനായതിനാൽ 30  പൗണ്ട് മതി എന്ന് സെക്യൂരിറ്റി  പറഞ്ഞു ...

ഇടനാഴിയിലൂടെ ഞങ്ങൾ വർണാഭമാർന്ന മുറിയിൽ എത്തിച്ചേർന്നു , അല്പ വസ്ത്രധാരികളായ അഞ്ചിലധികം യുവതികൾ  ഉണ്ടായിരുന്നു ... ഓരോരുത്തർക്കും മദ്യം എത്തിച്ചുകൊടുക്കുക്കുക എന്നതായിരുന്നു അവരുടെ ജോലി .. ഞങ്ങൾ മൂന്നുപേരും ഒരു സ്വകാര്യ മുറിയിൽ ഇരിപ്പടം കണ്ടെത്തി ... ഞങ്ങൾക്ക് എന്താണ് വേണ്ടതെന്നുള്ള കുറിമാനം എടുക്കുന്നതിനായി നീല വസ്ത്രം ധരിച്ച ഒരു സുന്ദരി കടന്നുവന്നു,   ഞാൻ ഒരു ബിയറും മറ്റുള്ളവർ ഓരോ ഷിവാസ് റീഗലും  പറഞ്ഞു ... കൂടാത്ത സെർബി വക ഒരു താക്കിതും , ഇനി ഞങ്ങൾ വിളിക്കുമ്പോൾ വന്നാൽ മതി.

ഞങ്ങളുടെ യാത്രയൂടെ കൃത്യമായ രൂപരേഖ   അവിടെ വച്ചുതന്നെ ഞങ്ങൾ തയ്യാറാക്കി.അലൻ ആവശ്യപ്പെട്ടതു പ്രകാരം അലോവയെ തെരഞ്ഞെടുത്തതായി അറിയിപ്പു  കൊടുക്കാനുള്ള അനുമതിയും നൽകി ... അപ്പോഴേക്കും അലോവ ബാഗുവരെ പാക്ക് ചെയ്തു്.

സെർബി അപ്പോളും മൊബൈലിൽ ബഗ്രഹമിനെക്കുറിച്ചു  തിരയുകയായിരുന്നു ...

താങ്കൾക്കു ഈ യാത്രയെക്കുറിച്ചു ഞങ്ങളെക്കാൾ രൂപരേഖ കാണുമെന്ന അലൻ്റെ പ്രശംസ കേട്ടു ഞാൻ എൻ്റെ അറിവ് പങ്കുവാക്കാനാരംഭിച്ചു .

ഞാൻ ആദ്യമായി നൈറ്റ്ഷേഡ് നെ കുറിച്ച് കേൾക്കുന്നത് കേരളത്തിൽ വച്ചാണ് .. അന്ന് ചതുപ്പു നിലങ്ങൾ നികത്തുന്നത് സംബന്ധിച്ചു വാർത്തകൾ പത്രങ്ങളിൽ വന്നിരുന്ന സമയത്തു , ലോകത്തിലെ ഏറ്റവും കൂടുതൽ ചതുപ്പുനിലങ്ങൾ ഉള്ള സ്ഥലത്തിനെകുറിച്ചു തിരഞ്ഞു ..

ഒരുനാട്‌ മുഴുവൻ നിറഞ്ഞു നിൽക്കുന്ന ചതുപ്പു നിലങ്ങൾ , പക്ഷെ ഒരു പക്ഷെ കേട്ടാൽ ഭയന്നു പോകുന്ന കഥകൾ നിറഞ്ഞ നൈറ്റ്ഷേഡ് ....ചതുപ്പു നിറഞ്ഞതായതിനാൽ ആരും ഭൂമിയിൽ ചവിട്ടി നടക്കാറില്ല , ഒരു പ്രകൃതരൂപത്തിലുള്ള പാദ രക്ഷ ഉപയോഗിക്കുന്നു താഴ്ന്നുപോകാതിരിക്കാൻ ... തിരഞ്ഞാൽ നിറം പിടിപ്പിച്ച കഥകൾ മാത്രം ... മറ്റുരാജ്യകാരെ  അടുപ്പിക്കാറില്ല.

ഒരു തുരങ്കത്തിലൂടെ നടന്നിറങ്ങിയാൽ മാത്രമേ നമുക്ക് നൈറ്റ്ഷേഡ്ലേക്ക്‌ എത്താൻ  സാധിക്കുക ഉള്ളൂ .മറ്റു നാലു വശത്തും മാരക വിഷമുള്ള കടൽ ജീവികളാൾ ചുറ്റപ്പെട്ട കുന്നുകളും നിറഞ്ഞ അതിരുകൾ.

ഇന്റർനെറ്റ് തുടങ്ങിയ യാതൊരു ആധുനിക സൗകര്യങ്ങളും ഇല്ല. ഈർപ്പമുള്ള കാലാവസ്ഥ എന്നൊരു അറിവു മാത്രമേ പുറം ലോകത്തിനുള്ളൂ. ഇടക്ക് അവിടന്ന് തിരഞ്ഞെടുത്ത ആൾകാർ പുറത്തുവരാറുള്ളതായി കർഷകർ പറഞ്ഞ കഥകൾ മാത്രം.

ഈ നൂറ്റാണ്ടിലും എങ്ങനെ ഇവർക്ക് ഒറ്റപെട്ടു കഴിയാൻ പറ്റുന്നു എന്നൊരു ചോദ്യം മാത്രം.

അവിടെ എത്തിപ്പെടാൻ വിസ പാസ്സ്‌പോർട്ട് തുടങ്ങിയവ വേണ്ട എന്ന എൻ്റെ നിഗമനങ്ങൾക്കു സഹയാത്രികർ അംഗീകാരം നൽകി ...

കഴിഞ്ഞ കുറെകാലകാലത്തെ യാത്രകൾക്കു ശേഷം എന്തും കഴിക്കാനുള്ള മാനസികാവസ്ഥയിൽ ഞാൻ എത്തിയിട്ടുണ്ടായിരുന്നു എന്നാലും നൈറ്റ്ഷേഡ്ൽ കിട്ടുന്നതിനെ കുറിച്ച് സെർച്ച് ചെയ്‌തപ്പോൾ ആദ്യമായി ഗൂഗിൾ നോ റിസൾട്ട് പറഞ്ഞു. അതോടെ അതൊരു അടഞ്ഞ അദ്ധ്യായം ആയി . 

എൻ്റെ യാത്രകൾ എപ്പോളും എനിക്ക് പൂർണ്ണ അറിവുള്ള രൂപത്തിലായിരുന്നു, പക്ഷെ ആദ്യമായി യാതൊരു തയ്യാറെടുപ്പുകളും നടത്താനാകാതെ ഞങ്ങൾക്കു തുടങ്ങേണ്ടി വന്നു . എന്നിലുള്ള വിശ്വാസം മറ്റുള്ളവർക്ക് എത്രയെന്നു ഞാൻ മനസ്സിലാക്കി ...

ഒരു യാത്രമൊഴി

ഓഫീസിൽ നടപടികൾ പൂർത്തിയാക്കി ഞങ്ങൾ ബുധനാഴ്ച രാവിലെ നൈറ്റ്ഷേഡ് യാത്ര ആരംഭിച്ചു ... അവിടെ അലനെ നോക്കിയപ്പോൾ സ്റ്റെല്ലയോടൊപ്പം ചുംബനത്തിലായരുന്നു.... ഒരു യാത്രമൊഴി .... ആദ്യമേ തന്നെ സെർബി കാറിൽ മുൻസീറ്റ് ബുക്ക് ചെയ്‌തിരുന്നു ... 

അലോവ ആദ്യമേ തന്നെ പുറകിലെ വലതു ഇരിപ്പടം കരസ്ഥമാക്കി ആരെയോ പ്രതീക്ഷിച്ചെന്നപോലെ വിദൂരതയിലേക്ക് കണ്ണുംനട്ടിരിക്കുന്നുണ്ടായിരുന്നു .... പ്രതീക്ഷിച്ചപ്പോലെ അലൻ പെട്ടന്ന് എന്നെ മറികടന്നു കാറിലേക്ക് നടന്നുകയറി ....

ഈ യാത്ര ഒരു ഔദ്യോഗിക രഹസ്യമായിരുന്നു ... ഒരുപക്ഷെ ഞങ്ങളുടെ  ഇടയിലും പിന്നെ സിഇഒ  യുടെ ഇടയിലും മാത്രം വിഭാവനം ചെയ്യപ്പെട്ടത് ... ഡ്രൈവർ സീറ്റിൽ ഞാൻ .
എയർപോർട്ട് പാർക്കിംഗ് പരിസരത്തു ലോട്ട് നമ്പർ 10 പാർക്ക് ചെയ്‌തു കീ സീറ്റിൽ ഉപേക്ഷിക്കാനുള്ള നിർദേശം അതേപടി പാലിച്ചു . ഞങ്ങൾ എയർപോർട്ട് ചെക്ക് ഇൻ കൗണ്ടറിലേക്ക് നടന്നു ....

ഞങ്ങളിൽ ഇപ്പോൾ ശേഷിക്കുന്ന പ്ലാൻ  ഈ വിമാനം ഇറങ്ങി 3 കിലോമീറ്റർ അപ്പുറത്തുള്ള കടലിലേക്ക് തുറന്നു കിടക്കുന്ന ഒരു ഗുഹാ മദ്ധ്യം വരെ മാത്രം ....ശേഷം പൂർണ്ണ അന്ധകാരം .... നീണ്ട 35 മണിക്കൂർ യാത്രക്കു ശേഷം ഞങ്ങൾ സീഷെൽസ് നു പടിഞ്ഞാറു ലാൻഡ് ചെയ്‌തു ...  അവിടെ തന്നെ ഒരു ഹോട്ടൽ ബുക്കുചെയ്‌തു .


എല്ലാരും റിഫ്രഷ് ആയി കോഫി ടേബിളിലിനു മുന്നിലെത്തി , സാധാരണയിൽ നിന്നും വ്യത്യസ്തമായി  ചില നിർദേശങ്ങൾ ഞാൻ നൽകുകയുണ്ടായി.

1  എല്ലാപേർക്കും ഈ യാത്രയെ കുറിച്ച് ഒന്നും അറിയില്ല , അപകടങ്ങൾ ഏതു നിമിഷവും ഉണ്ടാകാം , പൂർണ ബോധ്യം ഉണ്ടെങ്കിൽ മാത്രം ഇനി മുന്നോട്ട് ..


ഒരു നിമിഷത്തെ നിശ്ശബ്ദതക്കു ശേഷം അലോവ- പാഠപുസ്തകങ്ങൾക്ക്  നല്കാൻ കഴിയാത്ത അനുഭവങ്ങൾ യാത്രക്ക് നൽകാനാകും , ഞങ്ങൾ തയ്യാർ ...


2 ദിവസം അനുഭവിക്കുന്ന എല്ലാ കാര്യങ്ങളും , സ്വകാര്യ 200 പേജ് നോട്ടുബുക്കിൽ കുറിച്ച് വയ്ക്കുക , സ്വയം ബോധ്യം ആണ് ആ കുറിപ്പുകളുടെ പൂർണത.

3  എഴുതിയ വരികൾ ഒരിക്കലും മായ്ച്ചു കളയരുത് , അതിനുതാഴെ പുതിയ വരികളായി തിരുത്തലുകൾ വരുത്താം ..

4 കൂട്ടത്തിലുള്ള ആർകെങ്കിലും അപകടം പറ്റുകയും , സ്വയ രക്ഷ ഉറപ്പുവരുത്താൻ കഴിയില്ല എന്നുള്ള അവസ്ഥ ഉണ്ടായാൽ ,അപ്പോൾ തന്നെ രക്ഷപ്പെടണം ... മറ്റൊന്നും ആലോചിക്കേണ്ടതില്ല, പക്ഷെ ഡയറി എടുത്തിരിക്കണം രണ്ടാളുടെയും  .

5 ടീം തീരുമാനങ്ങൾ ഞാൻ ,സെർബി, അലൻ , അലോവ എന്ന ക്രമത്തിൽ  ആയിരിക്കും.

6 സ്വകാര്യമായ അഭിപ്രായ വ്യത്യാസങ്ങൾ അംഗീകരിക്കപ്പെടുന്നതല്ല , അത് ഉണ്ടാകാതെ സൂക്ഷിക്കേണ്ടതാണ് .

7 . ആപത് ഘട്ടങ്ങളിൽ ഉപയോഗിക്കാൻ  കത്തിയും,  റിവോൾവറും .

8 വരുന്ന ജൂൺ 5 , രാവിലെ 9 മണിക്ക്  നമ്മൾ യാത്രയെക്കുറിച്ചു ഇതേ ഡെസ്കിൽ അവലോകന റിപ്പോർട്ട് തയാറാക്കും ..

9  വളരെ ശ്രദ്ധവേണ്ട ഒരുകാര്യം , നമ്മളുടെ ഡയറി കുറിപ്പുകൾ നമ്മുടെ ഗുപ്ത്  ഭാഷയിലായിരിക്കണം 

10 . ജീവൻ രക്ഷാ സൂത്രവാക്യം "സൂത്രവാക്ക്യം എന്താണ് - ഒന്നുമില്ല "  എന്നുള്ളതാണ് .

ശുഭരാത്രി , യാത്രക്കു തയ്യാറായി രാവിലെ 6 മണിക്ക് ഇതേ സ്ഥലം .

ജൂൺ 5
മുൻപ് തീരുമാനിച്ചിരുന്നതുപോലെ  രാവിലെ 6 മണിക്ക് ഞങ്ങൾ എല്ലാപേരും യാത്രക്കു തയാറെടുത്തു , മുൻപ് പറഞ്ഞതു പോലെ വസ്ത്രധാരണത്തിൽ  ഞങൾ വ്യത്യസ്തത പുലർത്തിയിരുന്നു .  അലോവ ചുവന്ന സ്കർട്ടിൽ അതിസുന്ദരിയായി .

ഞങ്ങളുടെ യാത്ര ഒരു യന്ത്രവല്കൃത കോണിപ്പടിയിൽ തടഞ്ഞു നിന്നു. ഒരു മലയുടെ മുകളിലേക്ക് എന്ന് തോന്നിക്കുന്ന വിധത്തിൽ പണിതുയർത്തിയിരിക്കുന്ന എസ്‌കലേറ്റർ ,, ഞങ്ങൾ നടന്നു തുടങ്ങി

മുൻവശത്തു മൂന്നാമതായി സാമാന്യത്തിൽ അധികം ഉയരം ഉള്ളഒരാൾ ഞങ്ങളെ തുറിച്ചു നോക്കുന്നതായി ഞങ്ങൾക്ക് അനുഭവപെട്ടു . ഞങ്ങൾ പരമാവധി മറ്റുള്ളവരുടെ ശ്രദ്ധ ഒഴിവാക്കാൻ  ശ്രമിച്ചു .

ഞങ്ങൾക്കു പുറകിലെ കാഴ്ചകൾ മങ്ങി തുടങ്ങിയിരുന്നു , ഒരു ദിശാ ബോധം നഷ്ടപെട്ടതുപോലെ തോന്നൽ ,, മുന്നിലോട്ടുള്ള വഴിയിൽ ആരും തന്നെ ഇല്ല ,
വഴി തിരിച്ചറിയാൻ ബുദ്ധിമുട്ടനുഭവപ്പെട്ടുതുടങ്ങി . കണ്ണാടി ചില്ലുകൾ പ്രതിഫലിപ്പിക്കുന്ന ചുമരുകൾ മുന്നിൽ എത്തിത്തുടങ്ങി . കൈകളുടെ സഹായത്താൽ ഞങ്ങൾ മുന്നോട്ടു നീങ്ങി ..

പൊടുന്നനെ ഞങ്ങൾക്ക് മുന്നിൽ കാഴ്ച്ചയിൽ വളരെ പ്രായം തോന്നുന്ന സ്ത്രീ വന്നു , എന്താണ് നിങ്ങൾ വന്നതെന്നും ഏതു ഭാഷ വേണം എന്നും വെടിപ്പായി ഇംഗ്ലീഷിൽ ചോദിച്ചു ..

ഞങ്ങളുടെ സമ്മതം ചോദിച്ച ശേഷം നടപടികളുടെ ഭാഗമായി മൂന്ന് പേജുള്ള  പേപ്പർ നൽകുകയും , ഓരോരുത്തരുടെയും  ശരീരത്തിൽ ഒരു സ്റ്റിക്കർ പതിക്കുകയും ചെയ്‌തു.

അഞ്ചു നിമിഷത്തിനു ശേഷം ഞങ്ങളുടെ  വിവരങ്ങൾ മുന്നിൽ ഉള്ള  ചുമരിൽ തെളിഞ്ഞു വന്നു ,

ഞങ്ങളെ കുറിച്ച്  പൂർണ്ണ വിവരങ്ങൾഎന്നു പറഞ്ഞാൽ  , കുട്ടിക്കാലത്തു  എടുത്തിട്ടുള്ള പ്രതിരോധ കുത്തിവെപ്പുകൾ ഉൾപ്പെടെ , നൈറ്റ്ഷേഡ് ൽ  ഇപ്പോൾ നിലവിലുള്ള  അസുഖങ്ങൾ ഞങ്ങക്ക് പ്രതിരോധ ശേഷി കണക്കാക്കി ഒരു ചാർട്ടും ഉണ്ടായിരുന്നു .


കുറച്ചു നേരത്തെ നിശബ്ദതയ്ക്കു ശേഷം ഞങ്ങൾക്ക് കുടിക്കാൻ ചവർപ്പും മധുരവും കൂടിക്കലർന്ന  ഒരു ദ്രാവകം തന്നു . ഒരു  തരം പ്രതിരോധ മരുന്നാണ് എന്ന് പിന്നീട് മനസിലായി ....


എൻ്റെ കണ്ണുകളിൽ ഇരുട്ടു വീഴുന്നത് ഞാൻ അറിയുന്നുണ്ടായിരുന്നു , എതാനും നിമിഷങ്ങൾക്കകം ഞാൻ നിലം പതിക്കും എന്നെനിക്ക് തോന്നി...


***********
ഞാൻ ഉണർന്നു നോക്കിയപ്പോൾ  ആദ്യം കണ്ടത് വെള്ള ചായം പൂശിയ ജനാല ആയിരുന്നു.. മനോഹരമായ ഒരു മുറിയിൽ ഞാൻ കിടക്കുന്നുണ്ടായിരുന്നു .. പെട്ടന്നു  ഞാൻ എൻ്റെ  ബോധം വീണ്ടെടുത്തു ചുറ്റും സഹപ്രവർത്തകരെ തിരഞ്ഞു ...അലൻ , സെർബി  ആരുണ്ട്   ആരും  തന്നെ ഇല്ല  .. ദൈവമേ  ഇതെന്ത്  പരീക്ഷണം .... ഞാൻ  ആകെ പരവശൻ  ആയി...


പെട്ടെന്ന് ഞാൻ പുറത്തേക്കുള്ള വാതിൽ കണ്ടുപിടിച്ചു , അത് തുറന്നുതന്നെ ഇരിക്കുന്നുണ്ടായിയിരുന്നു . ഞാൻ വേഗത്തിൽ പുറത്തേക്ക് ഇറങ്ങി ... മനോഹരമായി  പുഞ്ചിരിച്ചുകൊണ്ട് അവിടെ ഒരു സ്ത്രീ ഉണ്ടായിരുന്നു കാഴ്ച്ചയിൽ ഒരു  ആഫ്രിക്കൻ  വംശജ ആണെന്ന് തോന്നി.

" ഞാൻ എങ്ങെനെ  ആണ് താങ്കളെ സഹായിക്കേണ്ടത്" , എൻ്റെ  സുഹൃത്തുക്കൾ  എവിടെ ? എല്ലാരും സുഗമായി ഉറങ്ങുകയാണ്  ഏതാനും മണിക്കൂറുകൾക്കു ഉള്ളിൽ വരും .. താങ്കൾ ഈ ചായ കുടിച്ചു വിശ്രമിച്ചാലും .

വേറേ വഴിയില്ലാത്തതിനാൽ ഞാൻ അവരെ അനുസരിച്ചു ... അവരുടെ പ്രവർത്തികളിൽ എനിക്ക് ഒരു ജാപ്പനീസ് ആഥിത്യ മര്യാദ അനുഭവപെട്ടു ..

എൻ്റെ  മനസ്സിൽ ഒരായിരം ചിന്തകൾ  ചെണ്ട കൊട്ടുകയായിരുന്നു ...ഞാൻ കാരണം മറ്റു മൂന്നുപേരും കൂടെ അപകടത്തിൽപെട്ടതിലുള്ള വിഷമം എന്നെ മഥിച്ചു ..

*******

"ഞാൻ ഇസബെല്ല . താങ്കൾക്ക് ഉച്ചഭക്ഷണം ആയി എന്താണ് വേണ്ടത് " പെട്ടന്നുള്ള ചോദ്യം കേട്ട് ഞാൻ തിരിഞ്ഞു നോക്കി , ഞാൻ മുന്നേ കണ്ട ആ സ്ത്രീ. നിങ്ങളുടെ കൈയിൽ എനിക്ക് കഴിക്കാൻ പറ്റിയ വിഭവം ഏതായാലും എനിക്ക് സന്തോഷം .  മറുപടിയായി കപ്പയും മീൻ കറിയും മതിയോ എന്നൊരു ചോദ്യം എൻ്റെ ചിന്തകളെ ഭ്രമിപ്പിച്ചു കളഞ്ഞു ... അതും ഈ നൈറ്റ്ഷേഡിൽ ...

ഞാൻ  കുളിച്ചു ഒരുങ്ങാൻ ആയി കുളിമുറി അന്വേഷിച്ചു  , തൊട്ടടുത്തു തന്നെ , പക്ഷേ  ശൗചാലയം  വേറെ ആയിട്ടാണ്
ഞാൻ  ആദ്യം അങ്ങോട്ടു പോയി , വ്യത്യസ്തമായി കണ്ടത് വിദേശ നിർമ്മിതം എന്ന് നമ്മൾ പറയുന്ന തരത്തിൽ ഉള്ള ക്ലോസറ്റ് ആണ് . അതിൻ്റെ മുകൾ വശം ചൂടാകുന്ന , ആവശ്യത്തിന് ചൂട് ക്രമീകരിക്കവുന്ന ലിഡ് .

അടുത്ത എൻ്റെ തിരച്ചിൽ ഒരു ബട്ടണിൽ അവസാനിച്ചു , ഒന്നു  അമർത്തിയാൽ കാര്യം കഴിഞ്ഞു , ചൂടു  വെള്ളത്തിൽ ചന്തി  വൃത്തിയാക്കി  തരും ..

 കാര്യം ശുഭം  ഞാൻ ചൂടു  വെള്ളത്തിൽ കുളി പൂർത്തിയാക്കി തിരികെ വന്നു .

എൻ്റെ  തീൻ മേശ ഒഴിഞ്ഞു തന്നെ കിടക്കുന്നു ...  ഞാൻ  പരക്കെ നോക്കി എന്താണ് ചെയേണ്ടത് നന്നായി വിശക്കുന്നു .. ഉടൻ  ഇസബെല്ല വന്നു എന്നെ തൊട്ടടുത്ത ഒരു ചെറിയ എന്നാൽ മനോഹരമായ കമാന രൂപത്തിൽ ഉള്ള കെട്ടിടത്തിലേക്ക് ആനയിച്ചു . പോകുന്ന  വഴിയിൽ മനോഹരമായ എല്ലാ തരം ചെടികളും ഉണ്ടായിരുന്നു , എടുത്തു പറയേണ്ടത് അവിടെ കേരളത്തിലെ ചെങ്കദളി ഉണ്ടായിരുന്നു എന്നതായിരുന്നു  . അത് അലങ്കാര കൃഷി പോലെ  എനിക്ക്  തോന്നി ..

എന്നെ പ്രതീക്ഷിച്ചു അവിടെ  അലൻ, സെർബി പിന്നെ അലോവ  എല്ലാരും ഉണ്ടായിരുന്നു .. ഞങ്ങളുടെ  സന്തോഷം അതിരുകടന്നു .. ഒരു നിമിഷം ഞങ്ങളുടെ വിശപ്പന്ന വികാരം നഷ്ടപ്പെട്ടു ..

എല്ലാര്ക്കും അവരുടെ മനസിന് ഇണങ്ങിയ എല്ലാ ഭക്ഷണ സാധനങ്ങളും അവിടെ ഉണ്ടായിരുന്നു .. ഞങ്ങൾ ആസ്വദിച്ചു കഴിച്ചു